Sipas rezultateve të një studimi të fundit mbi dinamikën e pandemisë Covid-19 dhe rrezikun relativ të shëndetit në Greqi, me masat kufizuese ekzistuese, në 31 tetor 2020 shteti fqinj do të ketë 34,181 raste infeksioni, 568 vdekje (500 deri më sot), ndërsa nevojat e Njësive të Kujdesit Intensiv (ICU) do të jenë 103 (83 sot).
Sipas të njëjtit vlerësim, nëse nuk merren masa të reja kufizuese për të frenuar përhapjen e koronavirusit, më 31 dhjetor 2020 vendi do të ketë gjithsej 200,055 raste, 1,834 vdekje dhe 837 të intubuar në ICU.
Në skenarin e dytë, rastet dhe vdekjet llogariten, nëse maska është përdorur kudo. Kështu, nëse një maskë do të përdorej në të gjitha zonat, të mbyllura dhe të hapura, më 31 tetor 2020 rastet e infeksionit do të ishin 31,800, vdekjet 566, ndërsa 91 qytetarë do të kenë nevojë për trajtim intensiv.
Nëse përdorimi i maskës do të vazhdonte deri më 31 Dhjetor 2020, rastet totale deri atëherë do të ishin 45,826, vdekjet 836, ndërsa në ICU do të kishte 42 persona.
Kryeministri grek, Kyriakos Mitsotakis, inaguroi sot shtimin e 50 shtretërve të kujdesit intensiv në spitalin “Sotiria”, një donacion ky i Parlamentit grek.
