Një e moshuar ka dalë për të protestuar për vrasjen e Klodian Rashës, i riu që u qëllua për vdekje nga efektivi i Policisë. E moshuara është shprehur se është “frymëzuar” për të dalë në protestë pasi ka parë dhunën e ushtruar nga Policia e Shtetit. Në rrëfimin e saj, ajo shprehet se fëmijët nuk dhunohen nga prindërit e tyre dhe jo më nga efektivët e policisë, duke parashikuar se kryeministri Edi Rama, do të përfundojë keq.
“Nuk rrihen fëmijët. E kam parë në televizior. Fëmijët nuk i rrahim vetë, të na i rrahin këta. Vetëm Serbi rreth Kosovarët ashtu. Nuk preket fëmija me dorë, se mezi po i rrisim me bukë, pa bukë. Do e tërheqim zvarrë. Ky është sadist kriminel,”-u shpreh e moshuara.
Sot është dita e 6 protestestës së vrasjes së Klodian Rashës, mëngjesin e 8 dhjetorit. Sot protesta do të zhvillohet në Tiranë dhe deri më tani nuk ka pasur tubime në qytetet e tjera të Shqipërisë. Ndërkohë policia pak më parë bëri apel se nuk do të lejohen grumbullime për shkak të pandemisë së Covid-19.