Një ngjarje e rëndë u regjistrua pak pas mesnatës ky 49-vjeçarja Elvira Tahiraj qëlloi me sëpatë për vdekje bashkëshortin e saj, Llazar Tahiraj, 55-vjeç.Sipas asaj që u bë me dije më herët ka qenë një sherr mes çiftit ai i cili ka sjellë dhe ngjarjen e rëndë.
Lidhur me këtë tragjedi së fundmi kanë folur edhe fqinjët e çiftit në fshatin Metoq të Sarandës ku kanë treguar se gruaja ka qenë me probleme të shëndetit mendor.
Për mediat, një nga banorët e kësaj zone ka pohuar se viktima ka qenë punëtor, jo konsumues i alkoolit apo lëndëve narkotike dhe punonte nga mëngjesi deri në darkë për të mbajtur familjen e tij.
“Punonte vetëm ai dhe kanë 4 vajza. Një më duket se e ka në shtëpi, 3 i ka të martuara. Edhe punonte i shkreti, ku i dlite puna ditë për ditë. Gruaja ka qenë e ikur. Ai nuk pi alkool. Ai punëtor i shkreti, as alkool asgjë, me qira rri. Gjynah mavri. Ajo është me të meta. Këta janë nga Korça, nga fshatrat e Korçës. Ka qenë në gjumë mavria. I thosha ik, se qe me të meta ajo po qe edhe me sëmundjen e tokës. Gjynah, ka qenë burrë i mirë shumë, i dashur me njerëzit”, tha banori.
