Një incident ka ndodhur në një restorant në sheshin Shën Marku në Venecia, ku kamarierët janë rrahur me klientët e tyre në lokal.
Gjithçka nisi kur një nga kamarierët pati mosmarrëveshje me një nga turistët e huaj dhe debati degradoi në dhunë fizike. Në përleshje janë përfshirë të paktën shtatë kamerierë dhe katër turistë, ndërsa pamjet janë bërë menjëherë virale në rrjet.
“Çfarë po ndodhë? Oh Zot”, dëgjohet në video. Qytetarët thanë se vendi turistik po përballet gjithnjë e më shumë me situata të tilla, kjo për shkak të rritjes së numrit të turistëve të huaj që vizitojnë Venecian.
