12 vende të lira për drejtues janë shpallur nga Bashkia Vlorë pas dorëheqjeve masive disa ditë më parë. Drejtuesi politik i PS për Vlorën, Bledi Çuçi, përmes një postimi në rrjetet sociale, iu bënë thirrje profesionistëve të aplikojnë për këto pozicione. Më poshtë postimi i plotë i Çuçit.
Pas dorëheqjes së drejtuesve të Bashkisë Vlorë, hapet thirrja për plotësimin e vendeve vakante për 12 pozicionet e para për DREJTUES.
Thirrja ime shkon për të gjithë profesionistët, për të rinjtë e të rejat e shkolluar brenda apo jashtë vendit, të APLIKOJNE për t’u bërë pjesë e administratës vendore dhe ekipit që po ndërton Vlorën e gjeneratës tjetër.
Me përvojën tuaj dhe pasionin për shërbimin publik, ne mund të çojmë përpara të gjitha sfidat dhe të bëjmë një kapërcim epokal të paraqitjes dhe shërbimit për Vlorën 2030 Fuqia e ndryshimit nis nga TY, nis nga idetë e reja dhe nga ata që nuk qëndrojnë si spektatorë, por marrin përsipër përgjegjësi
Pozicionet e hapura për aplikim✍️
* Kryeinspektor në Inspektoriatin e Mbrojtjes së Territorit
* Drejtor në Policinë Bashkiake
* Drejtor në Ndërmarrjen e Shërbimeve Publike
* Drejtor në Ndërmarrjen e Gjelbërimit
* Drejtor në Ndërmarrjen e Pastrimit
* Drejtor në Drejtorinë e Mbrojtjes Civile)
* Drejtor në Qendrën Kulturore të Fëmijëve
* Drejtor në Shtëpinë e Foshnjes
* Drejtor në Teatrin “Petro Marko”
* Drejtor në Drejtorinë e Projekteve të Huaja, Integrimit Europian dhe Diasporës
* Drejtor në Drejtorinë e Auditimit të Brendshëm
* Drejtor në Drejtorinë e Protokoll-Arkivës
Për më shumë informacion dhe për procedurat ligjore që duhet të ndiqni për aplikimin vizitoni faqen zyrtare të Bashkisë Vlorë në linkun më poshtë https://bashkiavlore.org/rekrutim/
