Ka ndërruar jetë në moshën 98-vjeçare, ish-deputeti grek Manolis Glezos. Ish-deputeti ka humbur jetën mesditën e sotme si pasojë e një ataku kardiak.
Ish deputeti arvanitas njihet edhe për qendrimet e tij liberale ndaj emigrantëve dhe fqinjëve të Greqisë, ndërkohë që pesë vite më parë mbajti një fjalim të fortë në Parlamentin e Greqisë duke thënë se të paktën 13 deputetë kishin prejardhje shqiptare duke qenë arvanitas.
Në fjalën e tij, Glezos pyeti kreun e Parlamentit grek nëse ishte i sigurt që ishte grek pasi mbiemri i tij ishte arvanitas.
“Ne jemi fqinj (me shqiptarët sh.r), gruan mund ta largosh nga shtëpia, edhe djalin mund ta largosh, por fqinjin jo”, u shpreh ai ndër të tjera në atë fjalim që mbetet një ndër më të fortit sa i përket shqiptarëve në Parlamentin grek.
I Lindur në fshatin Apiranthos (Aperathu), Naxos, Glezos u shpërngul në Athinë në vitin 1935 së bashku me familjen e tij, ku disa vjet më vonë ai mori pjesë në krijimin e një grupi rinor antifashist.
Glezos kërkoi të bashkohej me ushtrinë greke përgjatë frontit shqiptar për të luftuar kundër Italisë në fillim të luftës së dytë botërore, por ai u refuzua sepse ishte i mitur.
Fundi i Luftës së Dytë Botërore nuk ishte fundi i mundimeve të Glezos. Më 3 mars të vitit 1948, në mes të luftës civile greke, ai u gjykua për bindjet e tij politike dhe u dënua me vdekje disa herë nga qeveria kombëtare e asaj kohe.
Dënimi i tij me vdekje u ul në burgim të përjetshëm në vitin 1950. Megjithëse ishte ende i burgosur, Glezos u zgjodh anëtar i Parlamentit Helenik në vitin 1951, nën flamurin e së Majtës së Bashkuar Demokratike, e njohur edhe si EDA.
Gjatë katër dekadave, Glezos u burgos shumë herë nga gjermanët, italianët dhe më pas nga qeveritë e krahut të djathtë dhe ushtria greke, madje u torturua dhe u vendos në izolim.
Në vitin 2016 për Financial Times , ai deklaroi: “Thonë se për të mbijetuar në burg duhet të dush veten, të hani dhe të lexoni. Epo, nuk e kam dashur kurrë veten time, nuk kam kujdes për ushqimin, por lexoj vazhdimisht.
Ai u zgjodh anëtar i Parlamentit grek nën siglën e lëvizjen socialiste Panelenike (PASOK) në zgjedhjet e tetorit të vitit 1981 dhe 1985.
Në vitin 1984 ai u zgjodh Anëtar i Parlamentit Europian.
Glezos u zgjodh deputet për partinë radikale të koalicionit të majtë (SYRIZA) në zgjedhjet parlamentare të Greqisë në qershor të vitit 2012.
Ai shërbeu gjithashtu si kandidat i SYRIZA-s për Parlamentin Europian në zgjedhjet e 25 majit 2014.
Në moshën 91 vjeç, heroi i rezistencës u bë gjithashtu anëtari më i vjetër i zgjedhur ndonjëherë në Parlamentin Europian në zgjedhjet e 2014-ës.
Glezos kërkoi falje publikisht në janar të vitit 2016 për besimin te Kryeministri Alexis Tsipras pasi qeveria e këtij të fundit një shpëtim të dhimbshëm financiar. Veterani politik u shpreh në atë kohë “Unë nuk jam i zhgënjyer, jam zemëruar”.
