Erald Kapri, një personazh që ka studiuar për gazetari, ku nuk shkëlqeu asnjëherë, prej disa vitesh ftohet në panele televizive dhe prezantohet si historian, vetëm pse ka vajtur një vit në Britani për të bërë një master.
Dhe më pas, falë anëtarësimit në PD dhe financimeve nga Agron Shehaj, filloi të shfaqej si historian nëpër emisione televizive.
Së fundmi, i ftuar në një të tillë, ka thënë se disa figura historike janë ngritur në piedestal edhe pse veprimtaria e tyre ka qenë e diskutueshme.
Kapri përmendi Avni Rustemin, i cili sipas tij pasi u përdor nga qeveria për të vrarë Esad Pashën, erdhi në Shqipëri dhe krijoi një organizatë politike terroristë, që si mjet kishte edhe vrasjen e njerëzve.
“Figura të diskutueshme historike janë ngritur në piedestal, Avni Rustemi për shembull. Ka një moment të veçantë, u përdor nga qeveria e Tiranës e ’20-ës iku dhe vrau Esat Pashën në Paris, është e diskutueshme duhet ta bënte apo jo.
Vjen këtu dhe krijon një organizatë e cila ishte një organizatë terroristë politike që si mjet kishte edhe vrasjen e njerëzve.
Ishte frymëzuesi për ta vrarë Ahmet Zogun i pari, ishte një person që terrorizmin politik e kishte pjesë të ideologjisë së vet. Ky person është i diskutueshëm, nuk mund të ngremë në piedestal figura të tilla”, tha Kapri.
Ndoshta ka të drejtë në ato që thotë, por ta prezantosh një personazh të tillë si historian, vetëm pse ka parë disa arkiva në Britani, është fjalë e madhe, që vetëm në Shqipëri ndodh.
