Një ceremoni e mbushur me emocione është zhvilluar në pistën e Coca-Cola 600, ku familja e pilotit të ndjerë Kyle Busch u bashkua me mijëra tifozë dhe komunitetin e garave për të nderuar jetën e tij.
Ngjarja u mbajt në ambientet e Charlotte Motor Speedway, ku organizatorët e NASCAR zhvilluan një homazh të veçantë për një nga figurat më të njohura të sportit amerikan të automobilizmit.
Në ceremoni morën pjesë bashkëshortja e tij Samantha Busch, fëmijët Brexton dhe Lennix, si dhe prindërit Tom dhe Gaye Busch. Po ashtu, i pranishëm ishte edhe vëllai i tij, piloti i njohur Kurt Busch, së bashku me drejtues të NASCAR dhe përfaqësues të ekipit Richard Childress Racing.
Gjatë fjalimeve përkujtimore, drejtuesit e NASCAR theksuan kontributin e Busch në sport, duke e cilësuar atë si një garues të jashtëzakonshëm dhe një figurë që ndikoi breza të tërë pilotësh dhe tifozësh. Familja e tij u përshëndet nga turma me duartrokitje të gjata, ndërsa në pistë u mbajt një moment heshtjeje.
Kyle Busch, i cili ndërroi jetë në moshën 41-vjeçare pas një sëmundjeje të rëndë, ishte shtruar në spital pas komplikimeve që kishin filluar disa ditë më parë, përfshirë edhe pas garës në Watkins Glen International.
Sipas mediave te huaja, homazhi në Charlotte u kthye në një nga momentet më prekëse të sezonit të NASCAR, duke bashkuar komunitetin e garave në nder të një prej emrave më të mëdhenj të sportit.
