Në “Zeqir Ymeri” surprizat janë të ndaluara. E pamundur edhe për Luftëtarin të befasojë Kukësin në fushën e tij. Skuadra gjirokastrite, e cila ka spitakur në këtë sezon me futbollin e saj tërheqës u mposht 3-2 nga Kukësi, më i bindur se kurrë për të prekur ëndrrën titull. Që në minutën e katër një lëvizje e zgjuar e Ylli Shametit kapi në befasi mbrojtjen mike pas një këndoreje, mbrojtësi gjirokastrit ndëshkon ekipin e vendlindjes së tij.
Vetëm katër minuta zgjati avantazhi fillestar i Kukësit, pasi Eri Lamcja shënoi një gol të thjeshtë i asistuar nga Kristal Abazaj, pas një kombinimi perfekt mes 20-vjecarit dhe Reginaldos. 1-1
Një finalizim ky që u dha krahë gjirokasttritëve, të cilët deri në minutën e 20 e mbyllën Kukësin në gjysmëfushën e tij. Por një skuadër eksperte si e Gjokës di të reagojë atëherë kur mendohet se po vuan më shumë. Pas një rasti të humbur me kokë nga Reginaldo, Boyom, në tentativë për t’i larguar topin nga këmbët kroatit Pejic, shënon në portën e tij, duke kapur në kundërkohë Rucin. 2-1.
Në të 30-ëm Emini gjen hapësira e nga e majta e sulmit dhe kroson në shtyllën e dytë për Pejic, që realizon të tretin me një goditje fluturimthi, që me gjithë devijimin e Rucit përfundon në rrjetë. 3-1
Pjesa e parë mbyllet me një veprim spektakolar të Cale, i cilit ndalet vetëm nga traversa.
Që në fillim të fraksionit të dytë Luftëtari shfaqet agresif për të përmbysur shifrat. Në të 53-ën Eri Lamcja goditi rrjetën e jashtme, ndërsa në të 65-ën Mutumane fare pranë portës nuk arrin të përfitojë, me Kolicin që kontrollon në dy kohë.
Gjoka vendos të aktivizojë Lushtakun në vend të Eminit, ndërsa Milinkovic bën edhe zëvendësimin e fundit me Benguin për Eri Lamcen. Pal caste më vonë Imami i dëmtuar ia la vendin Dvorenkovicit, me Kariokën që u tërhoq në mbrojtje, aty ku u ndie mungesa e Rrumbullakut.
Pas humë përpjekjesh të dështuara, Luftëtari rihapi ndeshjen në të 80-ën, kur Beqiri pas një skemë të aplikuar në një goditje standarde, i coi shifrat në 3-2.
Asgjë nuk ndryshoi në minutat e mbetura madje Lushtaku në kohën shtesë mund të kishte realizuar një tjetër gol me një penallti në lëvizje. Kukësi më këtë sukses ruan pozicion në krye të renditjes, sikurse Luftëtari mbetet në vendin e katërt, me vetëm 1 pikë më shumë se Vllaznia./ss
