Flamurtari ka humbur në shtëpi ndeshjen përballë Luftëtarit, me shifrat 0-1. Kjo humbje e mban Flamurtarin në vendin e tretë, në barazim pikësh me Kukësin e vendit të dytë, por me golaverazh më të dobët. Në një prononcim për “Supersport”, tekniku u Flamurtarit, Shpëtim Duro është shprehur se humbja në ndeshjen e sotme ka ardhur edhe për shkak të kushteve atmosferike.
“Kisha parashikuar ndeshje të vështirë sepse kishim perballë skuadrën më të vështirë në transfertë. Në pjesën e parë luajtëm mirë dhe kishim mundësi të mira që nëse do të shënonim, atëherë do të ndryshonte loja. Në pjesën e 2 pësuam dhe Luftëtari diti ta menaxhojë situtaten. Ne kishim vështirësi për shumë faktorë pasi kishim mungesa dhe mungesa të detyrueshme. Kustet atmosferike ne pjesën e dytë e vështirësuan lojën më shumë.
Objektivi ynë është si në fillim, pasi çdo ndeshje është e vështirë. Kemi shumë vështirësi në këto momente pasi kemi shumë kartona dhe shumë dëmtime në ekip. Nuk dua të justifikohem, por era e fortë ka ndikuar shumë në këtë takim dhe favorizoi më tepër lojën e Luftëtarit.
Nëse do të shfrytëzonim rastet në pjesën e parë, do të kishim një situatë tjetër në pjesën e dytë. Kemi pësuar një gol në momentin kur dukej se kishim bllokuar në mënyrën e duhur treshen e sulmit të Luftëtarit”, është shprehur Duro.
