Hyri në lumë për të shpëtuar 3 fëmijët, humb jetën 42-vjeçari

Një burrë ka humbur jetën teksa përpiqej të shpëtonte tre fëmijët e tij që po laheshin në lumë, të cilët rrezikonin të mbyteshin. Ngjarja e rëndë ndodhi në New Jersey këtë të mërkurë. Në momentin që policia mbërriti gjeti tre të miturit, përkatësisht 8, 11 dhe 13 vjeç, ndërsa babai i tyre nuk kishte arritur të shpëtonte. Përafërsisht tre orë më vonë, rreth orës 17:30, ekipi i zhytjes arriti të gjente trupin e pajetë të 42-vjeçarit. Ndërkohë, policia po punon për zbardhjen e plotë të rrethanave të ngjarjes. Sipas dëshmitarëve, fëmijët hynë në ujë dhe ishin duke u mbytur, prandaj viktima hyri në ujë për t’i ndihmuar.