Hyrja në stadium falas, sot në Gjirokastër bëhen gati për festë. Ndeshje ‘ferri’ me Partizanin

Ajo fitore 5-0 e fazës së dytë ndaj Partizanit u jep më shumë kurajë gjirokastriteve për ta përsëritur atë sukses. Luftëtari është 5 pikë para Partizanit, dhe nëse fiton sot, thuajse “çertifikon” pjesëmarrjen historike në Europa League.  Për këtë arsye, në kampin gjirokastrite janë marrë të gjitha masat që skuadra të ketë mbështetjen e duhur dhe presidenti Grigor Tavo ka vendosur që hyrja për tifozët të jetë falas, me përjashtim të tribunave qendrore. Ai dhe gjithë të tjerët në Gjirokastër duan ta kthejnë këtë ndeshje në festë, duke pritur fitoren nga Luftëtari. Trajneri Hasan Lika ka dy mungesa, Aleksin dhe Liçajn, të cilët do të zëvendësohen nga Rapo dhe Rapa. Kthehen në formacion për këtë ndeshje të rëndësishme Kristal Abazaj dhe braziliani Xhekson.