Mirela Kumbaro ka bërë një prezantim të kandidatëve të PS në listën e qarkut Gjirokastër. Për Piro Dhimën, ajo thotë mes të tjerash se ai është modeli i një sipërmarrësi që suksesin e shikon përtej bizneseve të tij. Më poshtë mesazhi i plotë i Kumbaros.
Piro Dhima, djalë lunxhot, dhëndër dropullit e lindur e rritur në Gjirokastër ku te Sheshi i Çerçizit ka krijuar një ekselencë të mikpritjes gjirokastrite. Piro është modeli i sipërmarrësit që suksesin e shikon përtej bizneseve të tij, e projekton tek mirëqenia e komunitetit dhe zhvillimi i qytetit.
Me profesion financier, me energjinë e një të riu, me eksperiencën e çmuar në ngritjen e sipërmarrjes së tij, iu bashkua ekipit të Partisë Socialiste si e vetmja forcë që krijon programe të mëdha e projekte gjithpërfshirëse dhe e vetmja garanci për komunitetet.
Pas vitesh të gjata në emigracion, ai e krijoi suksesin në Shqipëri, si përmbushje e amanetit të gjyshes që e porosiste “I qëndruari në vend, i punuari me mend”. Me një model europian të kulturës së punës dhe komunikimit, Piro i bashkohet projektit të Partisë Socialiste për të ardhmen europiane #Shqipëria2030
