Teksa pritet që qytetarët të dalin në protestë në orën 11 ditën e sotme kundër rritjes së çmimeve në vend, kryeministri Edi Rama po zhvillon takim me punonjës të sektorëve të ndryshëm në kuadër të “Paketës për Rezistencën sociale”
Rama u shpreh i qëndron vendimit të tij se nuk do të heqë taksat për naftën. Ai u shpreh se protestuesit dalin me “X5 në protestë dhe bëjnë drita me iPhone”, ndërkohë që Evropa solidarizohet me ukrainasit që kanë bombat mbi kokë.
Ai e quajti “turp i dheut” ngritjen e qytetarëve në protestë, duke thënë se “në këtë periudhë është koha për tu ndier mirë, që ke mundësi të paguash më shumë nuk është për të vënë kujën”.
“Ne nuk jemi këtu të ulim naftën për ata që duan të furnizojnë furistradat x 5 për të bllokuar rrugën për turpin e dheut. Ndërkohë që gjithë bota Evropa del në protesta për tu solidarizuar me ata të shkretët që kanë bombat mbi kokë.
Këtu janë disa që dalin me makina X5 dhe bëjnë protesta me drita iPhone. Nuk kanë pensionistët drita i Phone dhe as vetura për të mbushur dhe nuk janë pensionistët apo gratë që marrin autobusin e fugonin ndotëse të mjedisit mjedisin e ndot djegia e karburanteve ndaj ata që kanë mundësi më shumë pavarësisht rritjes së çmimit do paguajnë më shumë.
Në këtë kohë është koha për tu ndier mirë që ke mundësi të paguash më shumë nuk është për të vënë kujën.
Ne jemi këtu që të ulim taksën e naftës dhe të rrisim çmimin e energjisë dhe taksën mbi rrogën tuaj.
Ose do të paguajnë ata që kanë mundësi më shumë, ose do i biem atyre që kanë më pak. Kështu i bie ti heqim mundësinë biznesit të vogël që të paguajë 0 taksë.
0 do ta mbajë. Do zoti kjo punë nuk shkon keq e më keq, sepse aty nuk e dimë sot si do shkojë puna, por flasim në këto kushte, duhet të jemi realist dhe llogaritë bëhen me fakte jo me imagjinatë”, u shpreh ai.