Drejtori i përgjithshëm i Lacios, Igli Tare gjithmonë kontribuon për futbollin shqiptar dhe lojtarët me perspektivë nga trojet tona. Këtë herë, ish-sulmuesi i Shqipërisë i ka dhuruar klubit të Tepelenës bazë materiale për stërvitjen dhe përgatitjen e futbollistëve. “Dhuratat” përfshijnë topat, uniforma dhe çanta. Lajmi është publikuar nga Bashkia e Tepelenës, e cila i shpreh mirënjohjen Tares.
Njoftimi i Bashkisë Tepelenë
📌Me ekipin e FK Tepelena, për të përcjellë një mesazh 📨falenderues për djalin tepelenas, Igli Tare. Sëbashku me Ilirin dhe Landin, njëri trajner dhe tjetri drejtues i ekipit të Tepelenës, ndam dje gjatë një prej orëve rutinë stërvitore, dhuratat me bazë materiale të vetëofruara 😊nga sportisti shumë i dashur i shqiptarëve, sot drejtor i përgjithshëm i klubit italian të Lazios. ⚽️⚽️ ✅ Përveçse një dhuratë e nevojshme (uniforma, çanta, topa), një gjest i tillë është edhe një motiv për të gjithë ekipin, i cili ndjehet i vlerësuar që një futbollist me karrierë mjaft të sukseshme, ndonëse i larguar për një kohë të gjatë, ka në zemër vendin e origjinës! 🤗🇦🇱
Faleminderit Igli! 🥇🤝👏
