Te emisioni i Arian Çanit “Zonë e Lirë”, analisti Ilir Kulla tha se Arben Ahmetaj bëri gabim që foli në intervistën e tij sepse duhej të heshte pasi ka qenë numri dy në qeveri, nëse do të fliste duhej të vinte këtu dhe të akuzonte kryeministrin e jo nga larg. Dhe së dyti Ahmetaj foli gjatë dhe e bëri rrëmujë edhe akuzën.
Me tej Ilir Kulla shtoi se Arben Ahmetaj ka qenë që nga viti 1997 në pushtet, që në kohën e Fatos Nanos. Ai mund të heshte më mirë se sa foli me akuza, kur vetë ka qenë pjesë e “mjaltit” qeverisës.
Ndërkohë mbremë Arben Ahmetaj lëshoi akuza ndaj Edi Ramës dhe Erion Veliaj, për të cilat Ilir Kulla theksoi se ai nuk mund të flasë pasi ka qenë numri dy në qeveri. Ai mendoj se ndodhet në Zvicër, shtoi Kulla.
“Ai ka qenë mik i ngushtë me Edi Ramën. Por Ahmetaj dhe Rama, mendoj, se nuk janë prishur për inceneratorët”- insistoi Kulla.
Në lidhje me atë që pohoi Arben Ahmetaj se kam lidhje me tre shërbime intelegjente të huaja, Ilir Kulla tha prerë se nuk merret njeri me Ahmetaj, por mundet vetëm shërbimet greke po e përdorin.
“Po të rrinte në Shqipëri ai mund të ishte i rëndësishëm ndërsa tani nuk ia var njeri nga shërbimet e huaja”- theksoi Kulla.
