Në “Bernabeu”, Real Madrid pret Inter, në një sfidë speciale për një trajner special si Jose Mourinho, me teknikun portugez që përballet me të kaluarën e tij të famshme. Dy ekipet vijnë në këtë sfidë të parë në UEFA Champions League në pozicione të ndryshme. Inter i Chivu-t është perfekt në Serie A, me 3 fitore në 3, ndërsa Reali pësoi një humbje të papritur në transfertë përballë Betis. Chivu duhet të bëjë llogaritë në këtë transfertë me një mungesë të madhe, atë të Dimarco-s, me anësorin zikaltër që do të qëndrojë në Milano për t’u rikuperuar pas dëmtimit të pësuar kundër Napolit.
Me mungesa vjen edhe Real Madrid në sfidën e parë në Champions, me Mourinho-n që nuk ka në dispozicion lojtarë si Bernardo Silva, Arda Guler dhe Camavinga. Pavarësisht se mediat po përpiqen t’i japin doza emocionale këtij takimi, për Jose Mourinho-n, ndaj Inter është një sfidë si gjithë të tjerat: “Kjo është një ndeshje speciale para dhe pas, por gjatë ndeshjes jo. Do të jetë një ndeshje si gjithë të tjerat, dëshirojmë të fitojmë. Chivu? Ai ka qenë një lojtar i imi, kemi kaluar momente të bukura dhe jo të mira së bashku”, u shpreh Mourinho, i cili ndër të tjera vlerësoi Inter si skuadër.
E pret me padurim këtë takim edhe Chivu, me teknikun zikaltër që dëshiron të shkruajë një kapitull të rëndësishëm në historinë e Inter, këtë herë në Champions: “E kemi për detyrë të shkruajmë një faqe të rëndësishme në historinë e Inter. E kemi për detyrim të ruajmë këtë standard që ka krijuar ky klub. Në “Bernabeu do të jetë një ndeshje speciale është kënaqësi të luash në një stadium të tillë, për më tepër përballë Mourinh-s i cili është një personal special për mua. Kam pasur fatin ta takoja dhe te punojë me të, nuk do ta harrojë kurrë”, u shpreh Chivu. Në javën e parë të Fazës së Ligës në Champions zbresin edhe ekipe si Man.City, me “qytetarët” që luajnë në transfertë përballë Porto-s, ndërsa Dortmund pret Villareal në “Iduna Park”.
