Izraeli bën bilancin: Kostoja e luftës ndaj Gazës arrin 37.5 miliardë euro

Të shpallësh luftë ndaj një shteti vjen me shpenzime të mëdha. Të tilla janë dhe ato të Izraelit.
Vlerësohet se të paktën 37.5 miliardë është kostoja e Izraelit ndaj Gazës. Ky vlerësim merret për bazë që prej ditës së parë së konfliktit, më 7 tetor 2023.
Për secilën nga 633 ditët e konfliktit, u shpenzuan mbi 58 milionë euro. Kjo u bë e ditur nga një analizë e publikuar nga Ministria e Financave dhe e raportuar nga N12.
Shifrat e detajuara në buxhetin e shtetit për vitin 2024, tregojnë se që nga fillimi i vitit 2025 vendi ka ndarë 7 miliardë shakel (1.8 miliardë ero) vetëm për shpenzimet civile të luftës, madje edhe para fushatës kundër Iranit.
Megjithatë, Ministria e Financave nuk i zbuloi kostot e sigurisë të rifillimit të luftës në vitin 2025, duke përfshirë kostot e mobilizimit të rezervave për Operacionin Tanket e Gideonit dhe shpenzimet e mëdha të fushatës kundër Iranit (Am Kalvi).
Shpenzimet e mbrojtjes u rritën nga 75 miliardë shakel-ësh (19 miliardë euro) në vitin 2022 në 168 miliardë në vitin 2024 (42.5 miliardë euro), një rritje prej 2.24 herë.
Në vitin 2023, kur shpërtheu lufta në tetor, shpenzimet e mbrojtjes arritën në rreth 98 miliardë (25 miliardë euro).
Rritja më e ndjeshme vitin e kaluar, ishte në koston e rezervave ushtarake: 32 miliardë shakel, mbi 8 miliardë euro.
Prokurimi dhe operacionet, që përfshijnë municionet dhe pajisjet ushtarake, arritën në 97 miliardë (24.5 miliardë euro), rreth 58% të të gjitha shpenzimeve të mbrojtjes.
Sipas Ministrisë së Financave, një pjesë e konsiderueshme e prokurimit të Izraelit nga Shtetet e Bashkuara u financua nga buxheti i shtetit, dhe jo vetëm nga ndihma amerikane, raporton N12.
Si përqindje e produktit të brendshëm bruto, shpenzimet e mbrojtjes u rritën nga 4.3% në vitin 2022 në 8.4% në vitin 2024.