Ja çfarë dhemb më shumë se humbja te Milani

Humbja në kampionat, qoftë ndaj një skuadre modeste në emër si Spezia, mund të qëndrojë, por është një detaj që vë me shpatulla pas muri të besuarit e Piolit.
Milani nuk ka provuar asnjë goditje drejt portës së kundërshtarit. Është pikërisht kja e dhënë që shqetëson më shumë se vetë disfata. Për herë të fundit Milani nuk e kishte goditur portën e kundërshtarit një vit e gjysmë më parë. Më 25 gusht 2019, Udinese mposhti “Rossonerët” pa e lejuar të shënjestronte qoftë një herë portën e Mussos.
Pas 419 ditësh, Milani nuk arrin të shënojë në transfertë në ndeshjet e Serisë A. Për herë të fundit kishte ndodhur në humbjen turpëruese 5-0 kundër Atalantës, më 22 dhjetor 2019.
Për më tepër, Milani nuk ishte mposhtur në kampionat nga një ekip i sapopromovuar që nga 21 Prilli 2018: atëherë ishte Benevento që “pushtoi” “San Siron” falë një goli të Pietro Iemmellos.
Pamundësia për të goditur portën e kundërshtarit iu shtua paqëndrueshmërisë mbrojtëse: Reparti i pasmë gaboi si në golin e Maggiores ashtu edhe në finalizimin e Bastonit që ishte në gjendje të merrte shënjestër i pashqetësuar në hyrje të zonës.
Nuk është për t’u habitur që lojtari më i mirë i Milanit ishte Gianluigi Donnarumma, i cili në fund u desh të hiqte dorë, pasi bëri një pritje të shkëlqyeshme në distancë të afërt ish-it Saponara.
Me pak fjalë, një Milan shumë i keq për të qenë i vërtetë, një aspekt i nënvizuar gjithashtu nga Pioli pas ndeshjes. Nëse kuqezinjtë duan vërtet të fitojnë kampionatin, nevojitet një frymë krejt tjetër në angazhimet e radhës.