Gjendja shëndetësore e kryepeshkopit të Shqipërisë Anastas Janullatos është përkeqësuar ndjeshëm mbrëmjen e djeshme.
Ai ka dalë nga salla e operacionit dhe aktualisht ndodhet në intubim.
Mjekët i hoqën një pjesë të zonës ku ishte hemorragjia.
“Fortlumturia e tij, Kryepeshkopi i Shqipërisë Anastas iu nënshtrua një operacioni për të trajtuar një episod gjakderdhjeje dhe u intubua sërish. 48 orët e ardhshme konsiderohen kritike”, shkruhet në reagimin zyrtar të spitalit grek.
Primatët e Kishave Orthodhokse të botës luten për shëndetin e Fortlumturisë së Tij Kryepiskopit Anastas.
Në këto ditë të vështira për shëndetin e Kryepiskopit Anastas, Primatët e Kishave Orthodhokse në mbarë botën, Episkopë, klerikë, besimtarë të shumtë kanë dërguar letra ku luten nxehtësisht për shëndetin e Fortlumturisë së Tij Kryepiskopit Anastas.
