Java e 19-të e Kategorisë së Parë, Skënderbeu, Laçi dhe Pogradeci luajnë në transfertë

Java e 19-të e Kategorisë së Parë zhvillohet këtë fundjavë, më 24 dhe 25 janar. Pesë ndeshje do të luhen të shtunën nga ora 13:30 dhe një takim të dielën.

Tre skuadrat kryesuese, Skënderbeu, Laçi dhe Pogradeci, do të luajnë në transfertë.

Skënderbeu do të përballet me Besën e Kavajës në stadiumin “Luz i Vogël”, duke synuar rikthimin te fitorja pas barazimit me AF Luftëtarin.

Laçi luan me Burrelin në “Liri Ballabani” dhe kërkon fitoren e pestë radhazi në kampionat.

Pogradeci do të përballet me Kastriotin në “Redi Maloku”, një transfertë e vështirë pasi skuadra pritëse ka regjistruar tre fitore dhe një barazim në katër ndeshjet e fundit. Edhe liqenorët synojnë një rezultat pozitiv në këtë përballje.

Të shtunën zhvillohen edhe takimet Korabi – Iliria dhe AF Luftëtari – Kukësi.

Java e 19-të do të mbyllet të dielën me ndeshjen Apolonia – Lushnja në stadiumin “Loni Papuçiu”, duke garantuar një fundjavë plot emocione dhe rivalitet në Kategorinë e Parë.

Kategoria e Parë, java 19

Korabi – Iliria 24.01.2026 13:30

Kastrioti – Pogradeci 24.01.2026 13:30

Besa – Skënderbeu 24.01.2026 13:30

AF Luftëtari – Kukësi 24.01.2026 13:30

Burreli – KF Laçi 24.01.2026 13:30

Apolonia – Lushnja 25.01.2026 13:30

© BalkanWeb