Bypass-i i Fierit, i cili njihet edhe si nyja kryesore sa i takon qarkullimit në drejtim të jugut të vendit do të mbyllet sërish duke filluar nga java e ardhshme.
Burime të argjiroja.net mësojnë se mbyllja është e përkohshme, në mënyrë që të përfundojnë disa punime specifike të krahut tjetër të rrugës. Pritet që rruga të rihapet plotësisht në muajin maj, për të lehtësuar edhe trafikun e mjeteve drejt jugut gjatë sezonit turistik.
Bypassi i Fierit bën të mundur lidhjen e tre akseve Lushnje-Fier, Levan-Vlorë dhe Levan-Tepelenë, por njëkohësisht bën lehtësisht më të aksesueshëm bregdetin e jugut. Hapja e njërit krah të kësaj rruge u bë në 28 qershor të vitit 2019.
©argjiroja.net
