Partizani do të zhvillojë një miqësore luksi më 12 gusht. Përballë kryeqytetasve do të jetë Roma e Jose Mourinhos. Sipas shtypit të shkruar bëhet e ditur se negociatat mes dy klubeve kanë avancuar, teksa data është fiksuar 12 gushti.
Kjo miqësore do të “detyrojë” ekipin e Marash Kumbullës të zbarkojë në Tiranë, teksa në “Arenën e Demave” do të zhvillohet edhe ndeshja.
2 ditë pas sfidës me Valmieran në Conference League, Partizani pritet të vihet përballë Romës, ndërsa verdhekuqtë do të luajnë miqësoren e fundit përpara startit të Serie A, ku më 20 gusht do të sfidojnë Salernitanan në “Olimpico”, takim i vlefshëm për Serie A.
Për Mourinhon do të ishte hera e dytë që do të zbarkonte në kryeqytet, ndërsa ka kujtime të bukura nga Tirana, ku në “Air Albania” fitoi edhe trofeun e Conference League.