Debati mbi moderimin e formatit “Big Brother VIP Albania” vijon të mbetet një nga temat më të diskutuara në publik, sidomos kur bëhet fjalë për krahasimin mes dy figurave të njohura të ekranit, Arbana Osmani dhe Ledion Liço. Çdo sezon sjell komente, ndarje mendimesh dhe analiza nga publiku, por edhe nga vetë personazhet e njohur.
Së fundmi, këtij diskutimi i është bashkuar edhe aktori i njohur Jul Deda, i cili ka dhënë një qëndrim të qartë lidhur me këtë çështje. Gjatë një bashkëbisedimi virtual me ndjekësit e tij në rrjetet sociale, ai është pyetur drejtpërdrejt për mendimin që ka mbi moderimin e Ledion Liços.
Pa hezitim, Juli ka zgjedhur ta vlerësojë maksimalisht, duke e cilësuar si moderatorin më të mirë aktual në televizionet shqiptare. Ai theksoi se e njeh Ledionin që në fillimet e tij në Top Channel dhe se ka ndjekur nga afër rritjen e tij profesionale ndër vite.
Sipas aktorit, kjo eksperiencë dhe zhvillim i vazhdueshëm reflektohen qartë në mënyrën se si ai menaxhon një format kaq të vështirë dhe të ndjekur si “Big Brother VIP Albania”. Për Jul Dedën, aftësia për të mbajtur ritmin, për të menaxhuar situatat e papritura dhe për të komunikuar me publikun e bëjnë Ledionin një figurë të spikatur.
Reagimi i tij:
