Një vatër zjarri ka përfshirë një banesë,në katin e parë të një pallati në lagjen “18 shtatori” në Gjirokastër.
Ndërsa kanë mbërritur në vendngjarje zjarrfikësit kanë nxjerrë nga banesa një të moshuar e cila jetonte vetëm dhe është asfiksuar nga tymi.
Ajo është identifikuar si Cevi Jonuzi, 83 vjec, e cila nuk ishte në gjendje të dilte jashtë dhe ndodhej e asfiksuar brenda banesës së përfshirë nga flakët.
Shërbimet zjarrfikëse ndërhynë me shpejtësi, duke bërë të mundur nxjerrjen e të moshuarës nga banesa dhe shoqërimin e saj në urgjencë për dhënien e ndihmës së parë.
Operacioni vijoi me vënien e zjarrit nën kontroll, duke shmangur përhapjen e tij dhe rrezikimin e banesave të tjera. Si pasojë e zjarrit, në banesë pati dëme materiale.
Gruaja është transportuar në drejtim të spitalit të Gjirokastrës për ndihmë mjekësore.
