Gjykata e Apelit në Vlorë lë në fuqi masën “arrest me burg” për Mihal Kokëdhimën. Pronari i restorant “Panorma” në Porto Palermo, apeloi masën e vendosur nga gjykata e Shkallës së Parë, por duket se gjykata nuk është bindur për t’i lehtësuar masën e sigurisë.
Biznesmeni Kokëdhima u arrestua pas dhunës së turistëve, ndërsa akuzohet për “kanosje”, “Dëmtime të tjera me dashje” dhe “Shkatërrimi i pronës”.
Dy javë më parë në Qeparo, pronari i restoranit “Panorma”, Mihal Kokëdhima, pas një debati me klientët i ka ndjekur ata dhe më pas u është hedhur mbi makinë. Me duart me gjak e i kapur mbi kofano Mihal Kokëdhima ka qëndruar për disa kilometra mbi makinë dhe ka thyer xhamin e parë. Më 18 Gusht biznesmeni ka dalë para gjykatë dhe ka marrë masën e sigurisë “arrest me burg”.
