Kalendari i plotë i Kategorisë Superiore, ja kur luhen 3 derbet e kryeqytetit

Kalendari i Kategorisë Superiore 2021/22 është zbardhur ditën e sotme.
Në ambientet e sallës së konferencave të stadiumit “Air Albania” është hedhur shorti për kalendarin e Kategorisë Superiore. Shorti për përcaktimin e Kategorisë Superiore është hedhur në orën 10:00 dhe goglat kanë përcaktuar përballjet javë pas jave.
Sipas vendimit të Komitetit Ekzekutiv të FSHF-së, Kategoria Superiore do të fillojë më 11 shtator 2021 dhe do të mbarojë më datën 26 maj 2022. Edhe Kategoria e Parë nis po më datën 11 shtator 2021 për t’u mbyllur më datën 7 maj 2022.
Në Kategorinë Superiore këtë sezon marrin pjesë këto skuadra: Teuta, Partizani, Vllaznia, Laçi, Tirana, Kukës, Skënderbeu, Kastrioti, Dinamo, Egnatia.
Java e parë e Superligës do të nisë me disa supersfida. Teuta kampione e nisë mbrojtjen e titullit ndaj Partizanit në shtëpi, Tirana pret Skënderbeun, Dinamo debuton ndaj Kastriotit, kurse Egantia kundër Kukësit në shtëpi. Laçi do të sfidojë Vllazninë në shtëpi në një ndeshje derbi. Këtë vit do të luhen 12 derbe pasi në Superligë luajnë Tirana, Dinamo dhe Partizani dhe goglat kanë përcaktuar se derbi i parë i kryeqytetit do të luhet në javën e 4-të, Dinamo-Partizani, ndërsa Tirana-Partizani në javën e 6-të dhe Tirana-Dinamo në javën e 9-të.