Projekt-ligji i ri për Minoritetet është miratuar në Komisionin e Jashtëm në Kuvendit.
Në parim ka votuar pro edhe opozita, por duke kërkuar më tej diskutimin sa më të gjerë të këtij drafti.
Ministri Ditmir Bushati tha se secili minoritet ka më shumë zë në vendin tonë sipas këtij ligji dhe se ai nuk është hartuar mbi bazën e reciprocitetit aq më tepër me Greqinë që nuk e njeh sot konceptin e pakicës.
“Ne nuk e shohim këtë as si një debat me fqinjët e aq më pak një koncesion ndaj fqinjëve. Ne e shohim këtë gjë si shprehje të vullnetit të popullit shqiptar për të zbatuar parimet, frymën kushtetuese dhe angazhimet që Shqipëria ka në të drejtën ndërkombëtare dhe evropiane”, u shpreh Bushati.
