Ka nisur Kampionati Europian i sporteve ajrore, edicioni i 8, i cili po mbahet në Gjirokastër.
Drejtori i Aeronautikës, Alket Islami ka dhënë detaje nga gara që është zhvilluar më herët, duke thënë se ka qenë shumë e fortë.
Në këtë edicion të 8 të Kampionatit Europian të sporteve ajrore kanë marrë pjesë 100 pilotë dhe 22 shtete të botës.
Islami ka bërë me dije se gara është shumë e fortë, ndërsa zbuloi se në datën 12 tetor do të shpallet dhe fituesi i këtij kampionati.
“Edicioni i tetë i kampionatit europian i fluturimeve precizion po mbahet në Gjirokastër. Filluam sot me ditën e parë.
Është një nga evenimentet më të mëdha të sporteve në Shqipëri më i madhi për vitin 2024. Janë mbi 100 pilotë nga e gjithë Europa plus dhe të ftuar nga kontinentet e tjera që po garojnë në Gjirokastër për edicionin e tetë që është shumë i rëndësishëm për dispilinë dhe precizion. Janë regjistruar 22 shtete një garë shumë e fortë ku është dhe rankimi më i lartë i pilotëve në botë sepse europianët janë ata që dominojnë ranikimin e përgjithshëm të pilotëve në botë të cilët janë në këtë kompetcion të fortë dhe të gjithë garojnë për një rezultat pozitiv. Do të jemi këtu deri në datën 11 tetor ku do të jetë dhe raundi final dhe në datë 12 tetor do të shpallim fituesin e kampionatit të 8 europian”, ka deklaruar Alket Islami.
Pilotët e huaj që po garojnë në këtë kampionat kanë shprehur emocionet duke dhënë vlerësimin e tyre maksimal për gjithë këtë eveniment që po zhvillohet në Shqipëri.
