Pas 4 vitesh në pushtet, socialistët premtojnë vetingun e gjykatësve dhe prokurorëve të korruptuar, por votuesit i kërkojnë ujë. Kështu ka ndodhur në një takim elektoral në Sarandë, ku ishin të pranishëm kandidatët për deputetë të Partisë Socialiste.
Në takim ishin të pranishëm kandidati Alket Hyseni, i treti në listë, Ramiz Hysi, i dhjeti në listë dhe Adrian Gurma, i njëmbëdhjeti në listën e PS, Vlorë.
Gjatë takimit kandidati Alket Hyseni u shpreh se Metoqi në 25 qershor do të bëjë atë që ka bërë gjithmonë, do të votojë Partinë Socialiste.
Nga ana e tyre banorët e Metoqit shprehën pakënaqësitë e tyre për furnizimin me ujë të pijshëm, për infrastrukturën dhe politikat e qeverisë ndaj bujqësisë.
Takimi u përcoll në live në faqen në fb të kandidatit Hyseni, por që më pas u fshi, raporton Sarandaweb.
