Kandidati i PS për Sarandën, Oltion Çaçi, ka dhënë një intervistë për gazetën TemA ku flet edhe për cështjen e origjinës së tij.
“Unë personalisht në origjinën time jam gjysma minoritar i Sarandës, e gjysma lab i Tepelenës. Dhe ska pasur familje më harmonike se sa kjo bashkëjetesë se sa familja jone. Jam rritur nga fuqia e kësaj bashkëjetese dhe do ta zhvillojë më tej atë”, thotë Çaçi.
-A keni ndjerë ndonjë sulm për shkak të kësaj origjine kur kandidat?
“Po patjetër. Zërat që ishin kundër kandidimit u përpoqën të përdorin origjinën time “gjysma minoritar gjysma lab” si pikë të dobët. Në fakt kjo është pika ime më e fort në këtë qytet ku askush nuk është shumicë dhe të gjitha komunitetet jetojnë në harmoni me njëri tjetrin. Më problem do ta kisha të isha vetëm minoritar, vetëm lab, apo vetëm nga bregu”, thotë Çaçi.
