Nga Shyqyri Hysi
Të nderuar miq, bashkëqytetarë të qarkut të Gjirokastrës, të trevave Memaliaj, Tepelenë, Përmet, Këlcyrë, Gjirokastër, Dropull dhe Libohovë.
Sot, jam konfirmuar zyrtarisht si kandidat për deputet në siglën e Partisë Socialiste për zgjedhjet e datës 11 Maj 2025.
I jam thellësisht mirënjohës dhe falenderues Partisë Socialiste, Kryeministrit Z. Edi Rama dhe drejtueses së qarkut Gjirokastër Znj. Mirela Kumbaro, të cilët më besuan pëfaqësimin në këtë listë dhe në këtë rrugëtim për fitoren e mandatit të katërt të PS.
Falenderim dhe mirënjohje për të gjithë ju miq dhe dashamirës për mbështetjen dhe motivimin gjatë angazhimit tim në platformën “Deputeti që Duam”.
Jam shpresëplot dhe i vendosur për t’jua shpërblyer besimin, mbështetjen dhe energjinë pozitive që më keni përcjell. Ky moment shenjon fillimin e fushatës së një përfaqësie, që premton t’i bëj jehonë zërit tuaj në Kuvendin e Shqipërisë. Ju ftoj të më bashkoheni me votën dhe besimin tuaj në zgjedhjet për Kuvendin e Shqipërisë të datës 11 Maj 2025!
Miqësisht,
Shyqyri Hysi
