Dogana e Kapshticës në Greqi ka njoftuar bllokimin e kalimit të kamionëve nga pasditja e sotme dhe për një kohë të pacaktuar.
Shkak është bërë moti i keq dhe reshjet e dendura të borës që kanë përfshirë të dyja vendet.
Në vijim të njoftimit të dhënë më parë, policia shqiptare njofton se pala greke ka bllokuar edhe kalimin e autobusëve.
Njoftimi:
Përveç bllokimit të lëvizjes së mjeteve të tonazhit të rëndë (kamionë), do të ndalohet lëvizja deri në një njoftim të dytë dhe për autobuzët.
Gjatë orëve të mbrëmjes së sotme është përkeqësuar situata e motit në qarkun e Korçës, aktualisht nuk evidentohem bllokime por ka problematika me qarkullimin e mjeteve, kryesisht në aksin kombëtar Qafë Thanë-Pogradec, Pogradec-Korcë, Korcë-Ersekë gjithashtu kufizime janë vendosur edhe nga pala greke ku prej orës 17;00 te ditës së sotme është ndaluar kalimi i kamionëve drejt shtetit grek.
Edhe pse borëpastrueset kanë punuar, evidentohem që në disa akse është hedhur pak ose aspak kripë duke bërë kështu që disa prej automjeteve kryesisht ata me goma të papërshtatshme për stinën shpesh herë të bllokohen deri në vendosjen e zinxhirave. Moti pritet të jetë i keq edhe në orët në vazhdim ndërsa burime na bëjnë të ditur që borëpastrueset do punojnë pa ndërprer edhe gjatë natës.
Sipas informacioneve për qarkun e Korçës, ka pasur shkeputje te herë pas hershme të energjisë elektrike në disa fshatra të thellë te Korçës, Maliqit dhe Pogradecit, por grupet e operatorit shpërndarës në terren kanë rikthyer energjinë. Aktualisht sipas informacioneve paraprake nuk evidentohen problematikat të mëdha në rrjet, ndërsa të gjithë fiderat janë aktiv ne furnizim. Grupet e punës do të jenë aktiv dhe gjatë orëve te natës për të rikuperuar në rast dëmtimesh rrjetin.
