Një sasi kokaine prej 91 kilogram është sekuestruar në portin e Pireut në Greqi. Droga vinte nga Ekuadori me një anije me flamur të Liberisë dhe ishte ngarkuar në kontenierë me banane.
Disa agjenci të shtetit fqinj morën pjesë në aksion, ndërkohë që kanë mundur të gjejnë edhe një GPS, që ishte vendosur për të lokalizuar kokainën. Sipas autoriteteve, vlera e drogës arrin në 4 milionë euro.
Operacioni u realizua më 14 nëntor, por nuk u bë publik nga autoritetet greke pasi dyshohej për një tjetër sasi në portin e Selenaikut. Megjithatë, kontrollet e ushtruara nga 19 deri më 22 nëntor nuk identifikuan ngarkesë tjetër të kokainës.
Hetimet vijojnë për të identifikuar grupin pritës në Greqi të drogës, e cila dyshohet se kishte destinacion vendet e Europës Perëndimore.
