Policia kufitare në Borsh ka arritur të kapë një shtetas të shpallur në kërkim nga drejtësia. Në pranga ka rënë Artan Muça, 51 vjeçar dhe banues në Tiranë. Muça ka qenë i dënuar nga Gjykata e Tiranës me 10 vite burg për veprën penale të mashtrimit.
Njoftimi i Policisë:
Policia Kufitare, Borsh, kap një shtetas të dënuar me 10 vite burg, për veprën penale ”Mashtrimi”. Strukturat Policore të Stacionit të Policisë Kufitare Borsh në bashkëpunim me Seksionin e Hetimit, kanë kapur e ndaluar në fshatin Lukovë, Himarë, shtetasin e shpallur në kërkim: Artan Muça, 51 vjeç, banues në Tiranë. Shtetasi i lartpërmendur ka rezultuar shtetas i shpallur në kërkim nga Drejtoria Vendore e Policisë Tiranë, pasi Gjykata e Shkallës së Parë Tiranë e ka dënuar me 10 vite burg për veprën penale ”Mashtrimi”, të parashikuar nga neni 143/2 i Kodit Penal. Shtetasi do të shoqërohet pranë ambienteve të DVP.Tiranë për veprime të mëtejshme.
