Gjykimi është ndoshta çështja e ditës në futbollin shqiptar për momentin, pasi ka pasur shumë ndeshje, ku “xhaketat e zeza” janë bërë protagonistë.
Te Klubi i Luftëtarit, duke iu referuar edhe sezonit që shkoi, ndihen shumë të prekur nga ky fenomen.
Pas ndeshjes me Kukësin dhe atij episodi të golit të parë të pësuar, ku kryesori Koçi ishte vendimtar, nga kryesia e klubit gjirokastrit vjen apeli i fundit: Nëse nga kupola e futbollit në Shqipëri nuk ka reagim, Luftëtari mund të tërhiqet nga gara.
E ka thënë këtë zëvendëspresidenti Artur Dadaj, pasi Luftëtari është dëmtuar në disa ndeshje nga vendimet e gjykimit.
