Sipërmarrësit po shprehin interes në rritje për ndërtime të hidrocentraleve të vegjël deri në 2 MW.
Në Ministrinë e Infrastrukturës dhe Energjisë ka mbërritur kërkesa për ndërtimin e një hidrocentrali të vogël në Bashkinë Pogradec, me kapacitet prodhues deri në 2 MW.
HEC-i parashikon të ndërtohet mbi pellgun ujëmbledhës të lumit të Kalivaçit dhe përroit të Dolistit, i cili është degë e Lumit të Dunshes, në Bashkinë Pogradec.
Sipas burimeve nga ky dikaster, interesi i biznesit për sipërmarrje të reja, po zgjerohet edhe në drejtim të ndërtimit te impianteve fotovoltaike dhe eloike, pas miratimit së fundi të tarifave favorizuese.
Vetëm gjatë muajve të verës, pranë Ministrisë së Energjisë kanë aplikuar për ndërtimin e dy hidrocentraleve në Kukës, dy hidrocentraleve në Gjirokastër, si edhe për një tjetër hidrocentral në Pogradec.
Në propozimin e saj, shoqëria e interesuar paraqet edhe tarifën përkatëse. e.xh
