Elson Kërri dhe Florenc Doko janë dy peshkatarët, të cilët u gjetën të mbytur në grykëderdhjen e lumit Vjosë, ndërsa kishin dalë në det për të peshkuar.
Doko dhe Kërri ishin shpallur të humbur që prej ditës së djeshme, ndërsa trupat e pajetë të tyre u gjetën ditën e sotme.
Policia e Vlorës bën me dije se, trupi i 37-vjeçarit Elson Kërri, banues në Novoselë, u gjet ditën e sotme nga peshkatarët e zonës, rreth orës 9:20, ndërsa trupi i viktimës tjetër, 41-vjeçarit Florenc Doko, u gjet nga polumbarët rreth orës 11:06.
Të dy kishin dalë për peshkim në det. Për të dy peshkimi ishte burimi i vetëm i të ardhurave për të siguruar jetesën.
Grupi hetimor ndodhet në vendngjarje duke kryer hetimet në lidhje me sqarimin e rrethanave të mbytjes.
