Kim Kardashian ka treguar se është më shumë se e aftë për të trajtuar kritikat me humor dhe ka marrë një qasje të papritur për të promovuar serialin e saj të ri, All’s Fair, i cili ka marrë një sërë kritikash negative. Në vend që t’i shmangej komentet e këqija, ajo i ka shfrytëzuar ato për të bërë marketing, duke i publikuar ato në Instagram.
Seriali, i krijuar nga Ryan Murphy dhe i transmetuar në Hulu dhe Disney Plus, ka marrë vlerësime të ulëta dhe komentet për të janë mjaft të ashpra. Por Kim ka vendosur ta përdorë këtë negativitet si mundësi për të krijuar një moment qesharak dhe për të ndarë me ndjekësit komentet më të forta dhe më qesharake që i janë bërë produksionit. Ajo postoi një video në Instagram, ku tregonte me ironi vlerësimet negative, duke shkruar: “E keni parë serialin më të lavdëruar të vitit!?!?!?”
Një përdorues shkruante se seriali kishte “aktrim të tmerrshëm dhe histori të parashikueshme”, por po ashtu e quante atë të “fiksuar”, ndërsa një tjetër koment sugjeronte se seriali ishte si Scream Queens për “nënat që pijnë verë dhe homoseksualët milenialë”. Kim tregoi se di si ta merrte sportivisht situatën, duke u shfaqur me një qasje pozitive ndaj talljeve.
Kjo qasje e saj ka bërë bujë në internet, duke i fituar më shumë vëmendje dhe simpatinë e fansave, të cilët e duan për aftësinë e saj për të përballuar çdo lloj kritike me stil dhe humor.
