Kina shqetësohet nga rënia e lindshmërisë, ofron deri në 1,500 dollarë për prindërit

Prindërve në Kinë po u ofrohen 3,600 juan (500 dollarë) në vit për çdo fëmijë nën tre vjeç si një përpjekje e qeverisë për të rritur lindshmërinë, raporton BBC.
Numri i lindjeve në vend ka qenë në rënie që pasi Partia Komuniste i dha fund politikës për të pasur vetëm një fëmijë, rreth një dekadë më parë.
Asistencat do të shkojnë në ndihmë të 20 milionë familjeve për të rritur fëmijët, sipas televizionit publik.
Sipas skemës së njoftuar ditën e hënë, prindërit do të marrin në total deri në 10,800 juan për çdo  fëmijë. Politika e re do të nisë të aplikohet në mënyrë retroaktive nga fillimi i këtij viti. Familjet që kanë  fëmijë të lindur mes viteve 2022-2024 mund të alikojnë për ndihma të pjesshme.
Javën e shkuar, Pekini u kërkoi qeverive lokaleve që të paraqisnin plane paraprake për arsimimin parashkollor  falas.
Kina është një ndër vendet më të shtrenjta në botë për të lindur fëmijë, sipas një studimi nga YuWa Population Research Institute. Rritja e një fëmije deri në moshën 17-vjeçare kushton mesatarisht 75,700 dollarë, thotë studimi.
Në janar, shifrat  treguan se popullsia kineze pësoi rënie për të tretin vit radhazi në 2024-ën me lindjen e 9,54 milionë foshnjave.
Popullsia prej 1,4 miliardë banorë gjithashtu po plaket shpejt.