Klopp humb personin e shtrenjtë: Ajo ishte gjithçka për mua

Për më shumë, Jurgen Klopp nuk ka qenë në gjendje të jetë në funeralin e nënës në Gjermani, për shkak se Gjermania nuk lejon qytetarët britanik ta vizitojnë këtë vend shkaku i pandemisë Menaxheri i Liverpool ka kujtuar sot më shumë mall v de k j en e nënës së tij në moshën 81-vjeçare. Elisabeth Klopp vd iq në janar dhe pas la Jurgenin me dy vajzat Stefanie dhe Isolde. Klopp ka shprehur sot dhimbjen e tij gjatë një interviste të shkurt për gazetën lokale gjermane Schwarzwaelder-bote, e ku ai është edhe më shumë i mërzitur pasi që nuk arriti të jetë në funeralin e së ëmës që u bë dje (e martë). “Ajo ishte gjithçka për mua. Ajo ishte nënë e vërtetë në përshkrimin më të mirë të fjalës”, tha ai. “Si një e krishtere e devotshme, e di që tani është në një vend të bukur”.
Kufizimet e udhëtimeve shkaku i Covid-19 ndaluan Kloppin të udhëtonte në Gjermani në funeralin e saj, por ai është betuar se do ta përkujtojë jetën e nënës së tij në një ngjarje të veçantë që do ta bëj pas pandemisë. “Fakti që nuk mund të jem në funeralin e saj është për shkak të kësaj kohe të tmerrshme”, shtoi ai. “Sa më shpejt që lejojnë rrethanat, ne do të mbajmë një mbledhje komemorative të mrekullueshme për ta kujtuar atë”. Jurgen ishte fëmija më i vogël i tre fëmijëve të Elisabeth dhe babait të tij Norman, i cili vdiq në moshën 66 vjeçare në vitin 2000. Klopp ka folur më parë për babanë e tij dhe ka thënë se ai ndihet keq që babai i tij nuk ishte gjallë për të parë sukseset e të birit në Premier Ligë dhe Ligën e Kampionëve me Liverpoolin derisa ka thënë se kishte përfituar nga dija e tij në fillim të karrierës si trajner. “E vërteta është se babai im ishte një trajner natyral. Kështu që nëse do ta pyesnit atë se çfarë do të dëshironte të bëhej ai do ju thoshte trajner”, tha ai.
“Ne kurrë nuk kemi folur për këtë por ai me ka shtyrë drejt kësaj karrierë, shumë madje, duke me bërë kritika të ashpra për çdo gabim që kam bërë. Por, ai nuk është këto më që të shohë se ku kam arritur”. Llogaria zyrtare e Liverpoolit ka postuar një fotografi të Klopp në Anfield pasi kishte mësuar vdekjen e nënës së tij me mbishkrimin: “Ti kurrë nuk do të ecës vetëm, Jurgen”. West Ham dhe Wolves po ashtu kanë shprehur ngushëllime në mediat e tyre sociale derisa edhe Premier Liga ka postuar një mesazh ngushëllimi për trajnerin.