Kombëtarja shqiptare stërvitet në “Air Albania Stadium”, nesër kuqezinjtë kërkojnë fitoren e dytë në Ligën e Kombeve përballë Lituanisë

Kombëtarja shqiptare e futbollit ka shkelur sot tapetin e ”Air Albania Stadium” pasi nesër do të luajë sfidën ndaj Lituanisë. Kuqezinjtë janë në një moment të mirë pasi vijnë nga një fitore 0-2 në transfertën e vështirë të Bjellorusisë. Trajneri Edy Reja pritet të eksperimentojë nesër me formacionin teksa mund të ketë disa debutime në fushë nga kuqezinjtë. Me një fitore tjetër, Shqipëria do siguronte dy fitore radhazi dhe pikë të plota, duke shënuar një start perfekt në Ligën e Kombeve.
Sa i përket kundërshtarëve, Lituania është një ekip jo i panjohur për Shqipërinë edhe pse kohët e fundit rrallë jemi ndeshur. Por baltikët së fundmi vijnë të trnoditur nga një humbje në shtëpi 0-2 ndaj Kazakistanit, dhe kjo duket se do të ndikojë tek sfida e nesërme në ”Air Albania Stadium”.