Kreu i Partisë Socialiste në Gjirokastër, Flamur Golemi ka reaguar pas votimit në Kuvend të anëtarëve të mazhorancës për ngritjen e komisionit “ad hoc” për procesin e vettingut.
Përmes një mesazhi në faqen e tij në Facebook, Golemi shkruan se ky votim “është një tjetër akt i pastër, që tregon vendosmërinë e Partisë Socialiste për t’i shkuar deri në fund reformës në drejtësi, e cila kalon përmes pocesit të vettingut”.
Ndërkohë që nga ana tjetër thotë ai, “ është opozita, që për më shumë se 50 ditë është ngujuar në çadër në një përpjekje të dëshpëruar për të bllokuar vettingun. Por kjo s’ka për të ndodhur, reforma në drejtësi nuk zhbëhet. Opozita dhe çdokush që i del në mbrotje këtij sistemi drejtësie të kalbur nga korrupsioni e lidhjet me krimin, do të marrin përgjigje me votë në 18 qershor. Nuk e ndal dot askush përpjekjen tonë të përbashkët për të ndërtuar Shqipërinë që duam.”
Me votat e mazhorancës u miratuan kandidaturat e Vasilika Hysit, Ulsi Manjas dhe Luan Ramës, ndërsa u rrëzua kandidatura e Shpëtim Idrizit.
/ArgjiroLajm.net/
