Atmosfera në kampin e ekipit të Kosovës është mjaft e mirë në prag të dy ndeshjeve të rëndësishme. Kështu ka bërë të ditur lojtari Gallapeni, i cili ka vlerësuar energjinë pozitive që lojtarët e rinj kanë sjellë në grup, si dhe përgatitjet e deritanishme.
“Normalisht atmosfera është mjaft e mirë, duke marrë parasysh rëndësinë e këtyre dy ndeshjeve. Lojtarët e rinj kanë sjell një energji shumë pozitive brenda grupit. Seancat stërvitore kanë shkuar shumë mirë, me intensitet dhe motivim të madh për këto ndeshje. Shpresoj të dalim me rezultat pozitiv”, ka deklaruar Gallapeni para ndeshjes ndaj Izraelit.
