Kosova siguron medaljen në Lojrat Olimpike, xhudistja Krasniqi kalon në finale pas 3 fitoreve radhazi

Xhudistja kosovare, Distria Krasniqi, ka triumfuar në Lojërat Olimpike ‘Tokio 2020’, duke arritur në finalen e madhe.
Krasniqi e ka nisur mbarë ditën e parë të ‘Tokio 2020’, pasi ka fituar tri ndeshjet e para dhe ka siguruar tashmë medaljen olimpike.
Pejania ka fituar ndeshjen e parë me ‘ippon’ ndaj brazilianes, Gabriela Chibana, ndërsa në çerekfinale mposhti gjithashtu me ‘ippon’ Chen Hao Lin në kategorinë deri në 48 kilogramë.
Në gjysmëfinale, Distria u takua me kundërshtaren Urantsetseg Munkhbat, të cilën arriti ta mposhtë gjithashtu, edhe pse me pak vështirësi.
Xhudistja kosovare u tregua e fortë, duke fituar me anë të ‘Waza-Arit’. Në finale, ajo do të takohet me japonezen Funa Tonaki.