Luftëtari ka pësuar edhe humbjen e tretë radhazi, këtë herë ndaj Flamurtarit në shtëpi, duke qëndruar në kuotën e zero pikëve. Në një prononcim për “Supersport”, trajneri Milosh Kostiç është shprehur se realisht nuk e priste që të ishte në këtë gjendje me ekipin, por njëkohësisht shprehet se ka besim që mund të vijë kthesa.
“Sigurisht, pas 3 ndeshjesh askush nuk e priste që do të ishim pa pikë, por sot, e patë ndeshjen, u munduam të luanim, krijuam shanse, nuk mbërritëm të shënonim. E patë që gabuam dhe pastaj pësuam një gol, situatë jo pozitive.
Kam përgjegjësitë e mia për atë që ndodh dhe jam i ndërgjegjshëm për problemet, por e keni parë që na mungon pak fat dhe eksperiencë, por duhet të vazhdojmë me atë që kemi nisur dhe shpresoj për ditë më të mira.
Bëjmë gabime, kur kemi topin, bëjmë gabime në pasimet e topit. Kemi mungesë cilësie nga lojtarë që janë të dëmtuar. Është e vështirë për mua të ndryshoj diçka. Nuk ka ardhur nga moduli problemi, por nga gabimet individuale të lojtarëve.
Do mundohemi të ndryshojmë diçka në këto 14 ditë, duhet të ulemi me lojtarët të qetësohemi dhe të punojmë shumë. Për momentin nuk jemi në nivelin e kërkuar”, u shpreh Kostiç.
