SPAK njoftoi një plan masash për të hetuar krimet zgjedhore për zgjedhjet parlamentare të 11 Majit.
Për këtë arsye është ngritur një Task Forcë që do të drejtohet nga kreu i SPAK, Altin Dumani dhe do të ketë disa grupe hetimore në terren të ndarë sipas qarqeve në vend.
Sot është zbuluar lista e koordinatorëve se cilat qarqe do të hetojnë prokurorët.
Tiranës i janë përcaktuar tre prokurorë të posaçëm. Mes Adnan Xholi e Klodian Brahos është edhe kreu i SPAK, Altin Dumani. Në qarkun Gjirokastër është caktuar prokurori Arben Kraja, i cili ka ndjekur hetimet për dosjen e Berishës.
Pjesa tjetër vijon kështu:
Arben Kraja në Gjirokastër
Ols Dado në Elbasan
Dritan Prençi në Shkodër
Anita Jella në Kukës
Behar Dibra në Berat
Ervin Kondili në Durrës
Doloreza Musabelliu në Fier
Sotir Kllapi në Fier
Ervin Gokaj në Dibër
Vladimir Mara në Korçë
Elida Kaçkini në Vlorë
Bledar Maksuti në Vlorë
Manjola Kajana në Vlorë
Sipas SPAK, në përbërje të grupeve hetimore do të ketë prokurorë, hetues të BKH-së, hetues financiarë, ekspertë dhe staf administrativ mbështetës.
“Do të fokusohen në parandalimin dhe hetimin e veprave penale që lidhen me përdorimin e administratës publike, infrastrukturës shtetërore, dhe përfshirjen e grupeve kriminale në procesin zgjedhor”, u shpreh një ditë më parë SPAK.
