Kryeplaku i fshatit Penkovë në Vlorë bashkë me të birin e tij janë vënë në prangat e policise, pasi iu gjetën të kultivuara bimë narkotike përreth banesës së tyre.
“Arrestimi i bë pas kontrollit të ushtruar përreth një banese në fshatin Penkovë, Bashkia Selenicë, ku u konstatun të mbjella bimë dhe fidanë të dyshuara të llojit cannabis sattiva”, sqaron policia.
Policia arrestoi pronarët e banesës babë e bir si autorë të dyshuar në lidhje me kultivimin e tyre.
Të arrestuarit janë:
• A. N., 57 vjeç, me detyrë – Kryeplak i Fshatit Penkovë.
• V. N., 23 vjeç, banues në të njëjtën banesë.
Materialet iu referuan Prokurorisë për veprën penale “Kultivimi i bimëve narkotike” e kryer në bashkëpunim dhe “Shpërdorimi i detyrës”.
