Kryetari i Bashkisë Gjirokastër, Flamur Golemi, ka fituar betejën me Covid 19. Pas rreth dy javësh i izoluar dhe me simptomat e koronavirusit, Golemi ka bërë sot testin që i konfirmoi se ai është negativizuar nga virusi i rrezikshëm. Kryebashkiaku i është rikthyer punës së përditshme. Sot ishte dalja e tij e parë nga shtëpia që prej datës 27 tetor kur iu shfaqën shenjat e para dhe nisi trajtimin ndaj Covid 19. Gjirokastra është shndërruar gjatë ditëve të fundit në një zonë të kuqe përsa i përket Covid 19. Vetëm sot pati 56 raste të reja. Java e shkuar kishte gjithashtu shifra të frikshme, plot 136 raste infektimesh me koronavirus. Argjirolajm.net bëri një vëzhgim javën e kaluar ku mundohej të shpjegonte përse kishte kaq shumë raste të reja me Covid në Gjirokastër. Shkrimin e plotë mund ta lexoni duke klikuar këtu.
©argjiroja.net
