Prej disa ditësh disa territore të Shqipërisë janë përfshirë nga disa fshatra zjarri. Sipas Ministrisë së Mbrojtjes në qarkun e Gjirokastrës situata ishte më problematikës, megjithatë falë forcave të policisë, zjarrfikësve dhe atyre vullnetare situata në dy ditët e fundit paraqitet më e lehtë.
Në një intervistë për Klan News, kryetari i Bashkisë së Gjirokastër Flamur Golemi tha se aktualisht situata e zjarreve është me e qetë. Duke falënderuar forcat të cilat bënë të mundur stabilitetin e situatës ai u bëri apel të gjithë qytetarëve që të tregohen të kujdesshëm dhe për mos shkatërrojnë natyrën duke vënë zjarre të qëllimshme. Golemi u bëri thirrje gjithashtu edhe organeve ligjzatuese që të vendosin para drejtësisë të gjithë përgjegjësit.
Flamur Golemi, kryetar i Bashkisë Gjirokastër: Në fakt kemi patur një situatë problematike, jo vetëm në zonën e Dropullit, por edhe në Bashkinë Gjirokastër. Zjarre të ardhura nga Mali i Gjerë, pra nga Delvina. Kemi patur katër vatra të rrezikshme, por për fat të mirë edhe falë ndërhyrjes të forcave të armatosura, zjarrfikëse dhe forcave vullnetare, ku më shumë se 100 forca kanë luftuar ditën e djeshme në një largësi prej 4-5 kilometra nga Gjirokastra dhe ishte një situatë problematik.
Për momentin sot situata është më e stabilizuar, sigurisht që jemi gjithmonë në vëzhgim të situatës, pasi është një zonë problematike. Unë shpresoj dhe besoj që forcat e policisë dhe organet ligjzbatuese të bëjnë detyrën e tyre për të çuar para përgjegjësisë të gjithë ata…, pasi shumica e zjarreve janë të qëllimshme. Për fatin e keq janë probleme të cilat përsëriten vit pas viti, ka patur dhe persona të cilët sot janë para organeve ligjzbatuese.
Është një problem i madh numri i përsëritur vit pas viti në një sezon, nuk e di se çfarë mund t’i bëjnë natyrës më shumë se kaq. Unë shpresoj dhe besoj se organet ligjzbatuese kanë për të çuar para drejtësisë të gjithë këta persona të cilët nuk kanë asgjë më pak se një kriminel.
/tvklan.al
